Ang mga gadgets ay naging parte na ng ating pamumuhay. Ito ay tinatawag na ring “needs”. Ginagamit ito mapa-bata man o matanda upang maging libangan o di kaya ay makipag-komunikasyon. Ginagamit din ito na pandagdag sa kaalaman ng mga mag-aaral. Ngunit hindi lingid sa ating kaalaman, ang labis na paggamit ng gadgets ay may masamang epekto sa ating kalusugan. Kaya kailangan nating malaman ang iilang mabuti at ‘di mabuting epekto ng teknolohiya.
Dahil sa mga gadyets ay nagiging mabilis ang pagresponde sa mga kaganapan. Mabilis din ang pakikipagkomunikasyon ng mga tao. Ito ay magandang panlibangan. Marami at mabilis na pagbibigay ng impormasyon at nakakapagpalawak din ng imahinasyon ang paggamit ng teknolohiya lalo na sa klase. Higit na nakakatulong ito sa mga mag-aaral at ng mga taong nagtratrabaho. Ang mga kabataan ang lubos na apektado ng mga negatibong epekto ng teknolohiya. Ang iba ay napababayaan na ang kanilang pag-aaral dahil naaadik sa paglalaro ng mga games sa kompyuter. Lubos ngang umuunlad ang teknolohiya ngayon ngunit lagi nating tandaan na hindi puro mabuti ang nadudulot nito.
Kaya huwag nating abusuhin ang paggamit ng teknolohiya at kung kaya nating balansehin ang paggamit ng teknolohiya, gawin natin!
REFERENCES:
https://rmn.ph/masamang-epekto-ng-mga-cellphone-at-gadget-sa-kalusugan/
https://tonite.abante.com.ph/epekto-ng-teknolohiya.htm
